“Itong puso ko, kinukulit ako, pinipilit na sabihin ko sa `yong mahal kita…”

Ano pa ba ang hahanapin ni Anje sa boyfriend niyang si Alfie? Guwaping, good family ang pinanggalingan at ang pinakaimportante sa lahat, pak sa parents niya, lalo na sa mommy niya. Big deal iyon para kay Anje dahil pakiramdam niya, epic fail lagi sa mga magulang ang kanyang mga ginagawa.
Loser. Iyon ang tingin sa kanya ng mga magulang. At si Anje, medyo naniniwala na rin doon.
Hanggang makilala niya si Drake. Dahil sa binata, natuto siyang maniwala sa sariling kakayahan.
Drake made her smile, made her feel so special. Ang pinakamatindi sa lahat, ipinaramdam nito sa kanya kung paano tunay na ma-in love.
Pero may malaking problema. Assistant ni Alfie si Drake kaya nakadepende sa boyfriend ni Anje ang ekonomiya nito. Ekonomiyang kailangan ng pamilya ni Drake. Ang isa pang problema ni Anje, lagot siya sa mommy niya kapag ipinagpalit niya si Alfie sa isang katulad ni Drake. Kaya para sa kabutihan ng lahat, mas tamang dedmahin na lang niya ang warm and tender feelings na binuhay ni Drake sa kanyang puso. Pero hanggang kailan?