“I can be that wall you can lean on.
I can be your strength if you want to.”

“Pigilan mo siya! Snatcher siya!” malakas na paghingi ng tulong ni Sam sa isang lalaki.
Pero walang ginawa ang guwapong lalaki para pigilan ang snatcher. Nawala tuloy na parang bula ang pinaghirapan niyang pera. Hanggang sa makilala niya ang lalaki. Si Yuan Kim, isa sa mga sikat na member ng grupong Seven Degrees.
Mukhang pinagsasama sila ng tadhana dahil naging official drummer si Sam ng Seven Degrees. Kaso, mukhang snatcher din si Yuan dahil nakuha nito ang kanyang puso. Sa loob ng maikling panahon, nakilala niya ang lalaki at hindi niya akalaing mapapamahal siya rito. Pero mukhang habulin yata siya ng mga snatcher. Dumating kasi si Joice, ang babaeng nagpakilalang girlfriend ni Yuan. Handa nitong kunin sa kanya ang lalaki.
Paano na ang pangako ni Yuan sa kanya na, “You are not alone anymore. Nandito ako. I promise, I’ll be just right beside you. Kapag nalulungkot ka, just whisper my name in the wind. Promise, I will be there.”