“Hindi lang ipinapakita ang pagmamahal, sinasabi rin paminsan-minsan.”

“Gusto ko nang tapusin ang relasyong ito.”
Nakita ni Bettina na sobrang nabigla si Richard pagkatapos marinig mula sa kanya ang mga salitang iyon. Hindi ito makapaniwala na siya na nagmahal dito nang todo noon pa man at very expressive sa nararamdaman ang siya pang makikipag-break.
Underage pa lang si Bettina nang ma-in love kay Richard na kaibigan ng kanyang stepbrother. Kahit may ibang babaeng gusto si Richard, sumige pa rin siya. Wala rin siyang pakialam kahit parang naging rebound girl lang siya. Ang mahalaga, sa wakas ay naging boyfriend din niya ang lalaking tanging minahal.
Pero darating din pala ang sandaling mapapagod na ang puso, lalo’t nasaksihan mismo ni Bettina na hindi pa rin nakaka-move on si Richard sa babaeng unang minahal.
Kaya kahit masakit, siya na mismo ang nagpalaya sa binatang naging kahulugan ng kanyang buhay…