Nang mamatay ang pinsan ni Wendy ay sa kanya iniwan ang anak nitong si Mitsi. Kinailangan niyang mag-resign sa pinakamamahal niyang trabaho bilang executive assistant ni Jonathon Solano, isa sa tatlong may-ari ng FMJ, dahil kailangan niyang harapin ang pakikipaglaban sa ibang kamag-anak niya para sa kustodiya ng sanggol. Wala raw kasi siyang kakayahang maging pangalawang ina ng sanggol dahil wala siyang asawa.
Hindi pumayag si Jonathon na mag-resign siya dahil para dito, walang makakapalit sa kanya bilang isang magaling na executive assistant. Sa halip, ini-offer nito na magpakasal sila at magpanggap na mag-asawa kung iyon ang makakatulong para makuha niya ang kustodiya ng sanggol. Dahil doon ay tuluyang nahulog ang loob niya kay Jonathon. At may hinala siya na may pagtingin din ito sa kanya.
Pero kailangan niyang hiwalayan ito kahit mabigat sa kanyang kalooban para hindi ituloy ng tiyuhin niya ang pagpapabagsak sa FMJ.