“Hindi ko man sinabing mahal kita, hindi ko ba `yon naipadama sa mga haplos ko sa `yo? Sa mga titig ko?”

Umibig at nabigo si Celeste sa edad na labing-walo sa isang lalaking nangako sa kanya ng everlasting love.
Hanggang sa muling nagpakita si Jericho pagkalipas ng mahigit sampung taon at siya pa ang pinagbuntunan ng sisi kung bakit hindi nagkaroon ng katuparan ang kanilang pagmamahalan. Ito pa ang may ganang paratangan siya ng kung ano-ano samantalang hanggang ngayon ay wala siyang inibig na iba kundi ito lamang.
Ngunit bakit sa halip na galit ang maramdaman ni Celeste kay Jericho ay kabaligtaran ang isinisigaw ng kanyang puso? She never ceased longing for him... all of him. Ang mga alaala ng kanilang pag-iibigan ay hindi pa rin niya nalilimutan. Kaya nagawa niyang magpakumbaba at umaming may nag-uugnay na munting anghel sa kanila at hindi pa huli ang lahat.
Subalit sa halip na matuwa ay mas nagalit pa si Jericho sa kanya.
May pag-asa pa kayang maghilom ang mga sugat na nalikha sa kanilang mga puso kung malalaman nilang biktima sila ng mga kasinungalingan at pagkakataon?