“Ikaw lang ang puwede sa `kin. Walang choices, walang option. Ikaw lang ang nagpatibok nang ganito sa puso ko.”

Unang kita pa lang ni Francille sa kanyang handsome, smart, sexy and kind professor ay naghugis-puso na kaagad ang mga mata niya. At para mapalapit sa professor, pumayag siyang maging presidente ng klase nila. Tuwing magkasama sila ni Sir Rowan ay heaven talaga ang feeling niya. Sobrang saya ni Francille dahil pakiramdam niya, crush din siya ng crush niya.
Bakit niya nasabi? Palagi kasing nakangiti sa kanya si Sir Rowan at madalas siyang tawagin sa recitation. Nakikipagtitigan pa ito nang malagkit sa kanya. Bukod pa roon, niyayaya pa siya ni Sir Rowan na kumain sa kung saan-saan. Ang daming signs, hindi ba?
Pero deadly signs pala ang mga nakita ni Francille. Deadly signs para sa puso niya. Dahil si Sir Rowan, hanggang estudyante lang pala ang tingin sa kanya.