“I want to know and I want to feel how it is to have you.”

Si Maximara Castillo na siguro ang masasabing pinaka-die-hard fan ng sikat na American musician na si Gene Sinclair. Halos alam na niya ang lahat tungkol dito. Umiiyak siya sa malulungkot na kanta ng binata, napapasayaw naman sa upbeat songs. May mga koleksyon siya ng albums at pictures ni Gene, pinapanood ang mga interview at live shows nito. At ultimo size ng briefs ng binata ay alam niya.
Gayon pa man ay alam ni Maximara sa sarili na hanggang sa pagiging isang fan lang ang papel niya sa buhay ni Gene. Langit ito, lupa siya. Sikat ito at ano lang siya? Isang alikabok lang sa mundong ginagalawan nito. Paano niya papasukin ang mundo ng hinahangaang singer? Wala na sigurong paraan kundi ang mangarap na lang.
Pero mabait ang tadhana—este, si Kupido pala, dahil hinayaan nitong maging posible na makapasok si Maximara sa mundo ni Gene…