“Magsimula uli tayo, mahalin mo ako at ipinapangako ko, hindi ka na muling masasaktan kahit kailan.”

Kinuha ni Will Harrison ang serbisyo ni Gwen upang turuan ng magandang asal at tamang pagkilos ang dalagitang kapatid nito. At dahil kailangang agad-agad na matuto ang kapatid nito, kailangan niyang tumira sa bahay ng mga ito.
Hindi ikinakaila ni Gwen na apektado siya ng presensiya ni Will. Ito yata ang unang lalaking nakapagpapalimot sa kanya ng lahat ng alam niya sa kagandahang-asal at tamang pagkilos. At tila ganoon din ang atraksiyong nararamdaman nito sa kanya. Kaya nang halikan siya nito ay hindi na siya nakatanggi.
Maganda ang samahan nila. Ramdam niyang sa bawat araw ay lalong lumalalim ang damdamin niya para dito. Ngunit may natuklasan ito sa nakaraan niya at tila iyon ang sisira sa kanila…