She realized that at that moment, she wanted his kisses more than anything in this life.

Dalawang beses nang nagkatotoo ang mga panaginip ni Cielo. Una, noong managinip siya tungkol sa magiging pagkamatay ng mommy niya. Pangalawa, noong managinip siya na magkakasunog sa gabi ng debut ng isa sa kanyang mga pinsan.
At sa takot ni Cielo na magkatotoo ang panaginip na magiging brokenhearted ang kaibigan niyang si Erin dahil sa machong lalaki na makikilala nito, to the rescue ang drama niya. Ang plano? Dapat mabaling ang atensiyon ni Erin sa ibang lalaki. Ang solusyon? Si Zane, ang matalik nilang kaibigan na matagal nang lihim na nagmamahal kay Erin.
Pero nababalutan ng taba ang bawat kalamnan ni Zane. Malayo sa macho na tipo ni Erin. Pero dahil oh so bright si Cielo, naisip niyang isailalim sa self-improvement project si Zane para mapansin man lang ng kanilang kaibigan.
Ang kaso, imbes na si Erin lang ang mapaibig kay Zane, mukhang unti-unti na ring nahuhulog si Cielo sa lalaki.
Paano niya mapipigilan ang pagkahulog sa namumuong muscles sa biceps at triceps ni Zane kung all this time, alam niyang may namumuo nang pagtitinginan sa pagitan nito at ni Erin?
Will she choose love over friendship? O hahayaan niyang masagip mula sa kapahamakan ang mga puso ng kanyang mga kaibigan?