“I will never let you go. Kahit ipagtabuyan o itulak mo ako palayo, I will never give you up. I love you that much.”

Boyish si Lorelei Villamayor kaya napagkakamalan siyang lesbian ng marami. Hindi nakatulong sa maling impresyon sa kanya nang gawin siyang head ng security and investigation agency ng pamilya nila. Nang piliin siyang personal bodyguard ni Brittany, ang bratinella na anak ng aktor na si Aris Bragado, ay hindi siya nakatanggi dahil mismong ang papa niya ang kumumbinsi sa kanya na tanggapin ang trabaho.
Sa pagtira niya sa bahay ni Aris ay napansin niya ang pagpapa-cute nito. Agad niyang sinabi rito na hindi siya kabilang sa mga babaeng nagkakandarapa rito na isang ngiti lang nito ay hihiga na sa kama nito.
Ngunit bakit bigla na lamang niyang natagpuan ang sarili na gustong ihagis sa Ilog Pasig ang mga babaeng lumalapit kay Aris?