“Sabihin mo lang na hindi mo ako mahal, I will let you go. No questions asked.”

Sino ang hindi masha-shock? Nag-CR lang si Nikita saglit, pagbalik niya ay engaged na siya sa kanyang boss na si Harmon. Isang fake na engagement na sinang-ayunan niya dahil sa paghingi ng tulong ng binata na napasubo sa gawa-gawa nitong kuwento nang mag-dinner sila with his lola. Pero ang kapalit niyon ay mga kondisyong hiningi niya. Hindi nga lang maiwasang kiligin at mangarap ni Nikita na sana ay totoo iyon. Fifteen pa lang kasi siya ay crush na niya si Harmon. Paghangang lumalim sa paglipas ng mga taon.
Ngunit manhid sa lahat ng mga manhid si Harmon. Hindi nito napapansin na siya ay isang babae at dalagang-dalaga na. Sabi ng kanyang isip, siya ang talo sa pekeng engagement nila ng binata. Pero sabi naman ng makulit niyang puso, panahon na para sumugal siya. Peke nga lang siguro ang lahat, pero sigurado at totoo ang nararamdaman ni Nikita at maaaring ipadama iyon. Kahit ang maging tingin ni Harmon, she was just playing her role.
At kung matapos ang pagpapanggap na iyon at hindi pa rin siya napansin ng binata, siguro nga ay dapat na talaga niyang tigilan ang kahibangan.