“I cannot bear losing you. No matter where you are, my heart will always find you.”

Isang damsel in distress ang pakiramdam ni Aurora na inililigtas sa mga kapahamakan ng kanyang knight in shining armor sa katauhan ng suplado at misteryosong si Daniel. Bukod sa lagi silang pinagtatagpo ng tadhana ay ang binata rin ang tumulong sa kanya para makapasok na waitress sa restaurant na pinagtatrabahuhan nito.
Nagtataka man kung bakit pasulpot-sulpot lang si Daniel sa trabaho ay hindi iyon naging hadlang—pati na ang maikling panahon ng pagkakakilala nila—upang hindi ma-in love si Aurora sa binata. Lalo pa’t sinabi nitong may pagtingin na rin ito sa kanya.
Masaya na sana sila at nagkakaunawaan hanggang sa makilala ni Aurora ang kapatid ni Daniel na si Amanda. Sa babae niya nalaman kung sino talaga si Daniel, kung ano ang mga pagsubok na pinagdaanan nito na dahilan kung bakit hindi raw ito kailanman magmamahal at magtitiwala sa isang babae. Because for him, this world was full of lies and betrayals.
Ganoon din ba ito sa kanya?
Noon na-realize ni Aurora na hindi pa nga niya lubos na kilala si Daniel. Sana lang ay hindi totoo ang pilit pumapasok sa isip niya na baka pinaglalaruan lamang siya nito…