Hindi siya magsasawa kailanman sa mga labi nito. At hindi na niya kailangan pang hanap-hanapin ang mga labing iyon. They were hers forever.

Dahil sa pag-iwas ni Ella sa ina ng lalaking tinakbuhan niya sa altar ay nakarating siya sa Territorio de los Hombres. Doon ay nakita niya ang lasing na si Carmencito Escarlan, isa sa mga kaibigan ng pinsan niya at isa rin sa mga may-ari ng lugar.

Masaya silang nagkuwentuhan kahit hindi nito maalala kung sino siya. Hindi niya ipinakilala ang sarili. At mukhang hindi rin ito interesadong makilala siya. Mukhang mas interesado ang lalaki sa maaaring mangyari sa kanila. At kataka-takang ganoon din siya. They ended up having sex in his house.

Lito ang isip, pinili niyang takasan ito. Ngunit hindi pala niya magagawa iyon nang habang-buhay. Dahil sa isang gabi ng kabaliwan ay nabuo ang isang inosenteng nilalang.

Paano ni Ella ngayon ipapaliwanag iyon kay Carmencito gayong ni hindi nga nito matandaang may nangyari sa kanila?