“Ano’ng hindi mo maintindihan? Na mahal kita? Na ayokong iwan mo ako? Na gusto kong bumuo ng pamilya kasama ka? Na nasaktan ako noong sabihin mong ayaw mong magka-baby tayo? Ano’ng hindi mo naiintindihan, Elma? Ipapaliwanag ko sa `yo.”

Napilitan si Elma na magpakasal kay Kiko dahil sa iyon ang hiniling ng mommy ng lalaki bilang kapalit ng lahat ng ari-ariang naisangla rito ng kanyang mga magulang. Sa umpisa lang siya nag-alangan. Sa huli ay naisip niyang hindi na masama ang deal kung makukuha naman niya ang lahat ng pinaghirapan ng kanyang mga magulang.
Halata namang napilitan din lang si Kiko na magpakasal at bago pa man naganap ang seremonya ay usapan na nilang wala silang pakialamanan sa buhay ng isa’t isa.
Ang akala ni Elma ay ganoon lamang kadali iyon, ngunit natagpuan niya ang sariling gustong makialam sa buhay ng asawa. Lalung-lalo na sa sex life nitong tila walang balak na itago sa kanya. Ang sabi pa: “I’m a man with needs. And since my wife cannot provide me with those, I figured I should get them from other women since I could.”
Aba, boxing na `to!