“Don’t be so tough on me, okay? Kaunting under lang, puwede ba `yon? Kasi lahat ng hingin mo sa akin, magreklamo man ako, gagawin at gagawin ko pa rin para sa `yo.”

Dahil sa mga tiyuhing pasaway ay walang nagawa si Marita kundi ang bayaran kay Esteban—isang mayamang binata, guwapo, mabango, ngunit saksakan ng sama ang ugali—ang utang na hindi kanya. Wala na siyang narinig mula rito kundi: “Bilisan mo!”

Buwisit na buwisit siya rito. Ngunit minsan ay binigla siya ni Esteban sa pamamagitan ng pagpapakilala sa kanya sa lahat bilang kasintahan nito. At mula noon, nagulo na ang kanilang mundo. Hanggang sa dumating sa puntong sa halip na “Bilisan mo!” ang sabihin ng lalaki, ninais ni Maritang marinig ang mga katagang “Mahal kita.”
Ang kaso, mukhang malabong mangyari iyon. Walang-wala kasi siyang binatbat kung ikokompara sa babaeng mahal ni Esteban.