I choose this life together with you because you make me forget there’s a choice. It’s only you. Only us.

Isang panaginip mula pagkabata ang nagpabago ng pananaw sa buhay ni Kristine Donna Hernandez—dahil nakita niya roon kung paano siya mamamatay. Kaya hindi na siya nakipaglapit sa kahit kanino. Alam kasi niya na anumang oras ay maaari siyang mawala sa mundo.
Pero nagkrus ang mga landas nila ni Alejandro Piopongco, ang lalaking may nangungusap na mga mata na parang kilalang-kilala siya kung makatitig. Napakaamo ng mukha nito, parang anghel. At ang amoy ng lalaki, nakalalango. Kailan pa siya nag-isip ng ganito patungkol sa mga lalaki?
Pero may babala sa utak ni Donna na layuan si Alejandro kahit pa hindi mawala sa isip niya ang guwapo nitong mukha.
Pero mapagbiro ang tadhana. May hindi inaasahang kaugnayan pala si Alejandro sa kanyang mga panaginip. At kailangang magmadali si Donna na tuklasin iyon.