“Your love is worth the wait. You are destined to be mine.”

First time makapunta ni Erin sa malaparaisong isla ng Boracay kaya sinulit niya ang huling araw ng pamamalagi roon. Nag-swimming siya, pero sa sobrang excitement ay muntik nang malunod! Ganoon na lang ang pasasalamat niya nang isang lalaking saksakan ng guwapo ang nagligtas sa kanya.
Pero nagtaka si Erin kung bakit parang nakakita ng multo ang lalaki pagkakita sa kanya. Ayaw naman nitong sabihin ang dahilan at panay lang ang iwas.
Muling nagkrus ang mga landas nila ng lalaki na nalaman niyang Brendon Monteverde pala ang pangalan. And to her amazement, CEO ito ng isa sa mga kilala at matagumpay na kompanya sa Pilipinas!
Inalok siya ni Brendon ng trabaho. Dahil nangangailangan din ng bagong mapapasukan, tinanggap niya ang alok.
Nalaman ni Erin na kaya nagulat si Brendon nang una siyang makita ay dahil kamukhang-kamukha niya ang babaeng laman ng mga panaginip nito.
They came up with one mission. Lulutasin nila ang misteryo ng panaginip ni Brendon. Sa gitna ng paghahanap ng kasagutan, hindi napigilan ni Erin na mahulog ang loob kay Brendon. At sobrang saya niya dahil may katugon ang kanyang damdamin.
Pero sandali lang ang happiness ni Erin nang malamang hindi pala siya totoong mahal ni Brendon. Ginagamit lang pala siya nito para malaman ang kasagutan sa panaginip.