“Oo, lahat talaga ay gagawin ko para makuha ka lang. I want you. I want you forever.”

Isinumpa ni Jhoy na hindi mangyayari sa kanya ang ginagawa ng mga martir na heroine sa mga napapanood niyang telenovela.
“Hindi ko hahayaang umibig ako sa lalaking mayaman. Gaga ba ako para saktan ang sarili ko?”
Magiging wise siya pagdating sa pag-ibig.
Ngunit tila sadyang mapaglaro ang tadhana dahil nakilala niya si Joshua Agustin.
Bigla ay tila nasa isang telenovela si Jhoy—isang mahirap na babaeng umibig sa isang guwapo at mayamang lalaki na nalaman niyang pinaglalaruan lang pala siya. To complete the cast—and the plot more interesting—ay nandoon ang matapobreng lola ni Joshua na inalok siya ng tseke kapalit ng paglayo niya sa pinakamamahal nitong apo.
Tinanggap ni Jhoy ang tseke, hindi dahil mukha talaga siyang pera kundi para ipamukha kay Joshua na hindi lang ito ang kayang maglaro. Ngunit sa ginawa ni Jhoy ay siya rin ang nasaktan sa huli. Dahil kahit gaano pa niya itatwa, ang binata lang ang isinisigaw ng puso ni Jhoy…