“Bakit hindi mo na lang i-enjoy na tinititigan kita at kiligin ka na lang nang tahimik? Bakit kailangan mo pang ipaalam sa akin na kinikilig ka masyado riyan?”

Nagtungo si Lena sa Hacienda Salazar para sa isang misyon—ang kontrolin ang gastusin sa kasal ng kanyang kapatid dahil ang sosobra sa budget ay mapupunta sa kanya. At kailangang-kailangan niya ang perang iyon.
Unang araw pa lamang niya sa hacienda ay nakilala na niya ang guwapo ngunit antipatikong biyudo na si Zacharias Salazar. Mutual animosity, iyon ang una nilang naramdaman sa isa’t isa. Wala siyang balak na sumuko sa pamimikon ng lalaki. Pero tila iba naman ang balak ng puso ni Lena. Dahil habang lumilipas ang mga araw, parang gusto na niyang maging reyna ng buhay ni Zacharias. Ang kaso, mukhang may ibang babae itong pinaplanong ilagay sa posisyong iyon…