“Every time I look at you, I always see something new that would take my breath away. A dream I’d never want to wake up from.”

Sa kauna-unahang pagkakataon, nagulo ang buhay ni Gabrielle. Nagsimula iyon nang makilala niya si Russel at ma-love at first sight siya sa binata. Mula noon, nabale-wala na ang pagpapakabait at pagiging responsable niya para huwag mabigyan ng sakit ng ulo ang ama. Ang kilalang intelligent at rational na Gabrielle ay pinanlalabuan ngayon ng isip. Hindi niya maintindihan ang mga bagong emosyong nararamdaman.
Pero isa lang ang malinaw kay Gabrielle: gusto niyang makasama si Russel. Ngunit paano mangyayari iyon kung may boyfriend na siya—si Tristan na halos perfect na? At hindi lang iyon, engaged na siya rito.
Gusto niyang ipaglaban ang nararamdaman para kay Russel, pero maraming masasaktan. At kung hindi naman niya pakikinggan ang dikta ng kanyang puso, baka kailanma’y hindi na siya lumigaya. Kaya ba niyang palampasin ang minsang pagkakataon?