“Are you willing to take a chance on me?”

Tinamaan ng malas si Tootsie. Tuliro siya dahil ang pinakamamahal niyang kasintahan ay ipinagpalit siya sa kanyang mortal na kaaway. Pero sa halip na nasa kanya ang simpatya ng mga tao, pinagtawanan pa siya ng mga ito. Kuripot daw kasi siya at masama ang ugali kaya ipinagpalit siya ng kanyang kasintahan.
Pero siya si Tootsie Rolle, hindi siya papayag na tuluyang matapakan ang iniingatan niyang pride.

To the rescue naman si Miggy, the town’s most eligible bachelor at pinakamalanding lalaking nakilala niya. Tutulungan daw siya nito na maging charming, magkaroon ng katangian na kagigiliwan ng mga tao, at higit sa lahat, maging lovable. Kapag nagkataon, bukod sa wala nang mang-aapi sa kanya, maibabangon pa ni Tootsie ang kanyang pride.

Ngunit may bayad ang pagtulong nito sa kanya. Labag man sa loob ay pumayag siya. Okay naman sana ang lahat, hanggang sa mapansin ni Tootsie na walang humpay ang pang-aakit at paghalik ni Miggy sa kanya.
Hindi kaya naisahan siya ni Miggy?