Para makasiguro ang kuya ni Kate na hindi na siya muling makikipag-date sa lalaking hindi nito gusto para sa kanya, pinakiusapan ng kuya niya ang best friend nitong si Jay-Jay na bantayan siya.
Lingid sa kaalaman ng lahat, dating nakarelasyon ni Kate si Jay-Jay. Kaya lang ay nauwi iyon sa hiwalayan nang magpunta ang binata sa ibang bansa at maging abala sa training bilang paghahanda sa paghawak sa kompanya ng pamilya nito. Pero nagbitiw naman ng pangako si Jay-Jay na babalikan siya at liligawang muli. Tumupad naman ito sa pangako kaya muling ipinagkatiwala ni Kate ang kanyang puso.
Pero sinubok ang tatag ng kanilang relasyon nang may umeksenang babae at mahuli niya sa isang compromising na eksena ang dalawa. Walang pagdadalawang-isip na hiniwalayan niya si Jay-jay at hindi pinakinggan ang paliwanag nito.
Sa huli, napag-isip-isip ni Kate na bigyan ng chance si Jay-Jay. Pero hindi na ito sumubok na makipag-reconcile sa kanya.
Hahayaan na lang ba niyang tuluyang mawala si Jay-Jay sa buhay niya?