Unang kita pa lang ni Aimee kay Marco ay kumulo na ang dugo niya rito. Lagi siyang asar-talo sa lalaki, lalo na tuwing tinatawag siya nitong “manang.” Wala namang problema kay Aimee kung nalipasan na ng panahon ang kanyang fashion style—mahabang palda, floral blouse at makapal na salamin. Ang mahalaga ay komportable siya sa ganoong ayos.
Hindi nagtagal, ang araw-araw na pagbabangayan nila ni Marco ay nauwi sa magandang pagkakaibigan. Hindi na rin maitatanggi ni Aimee na nakaramdam siya ng paghanga sa binata nang magpakita ito ng sweetness. Idagdag pang bokalista si Marco ng The Heirs Band sa kanilang eskuwelahan.
Aimee was on the verge of falling in love when she accidentally heard the conversation of Marco with his bandmates. Parang binagsakan siya ng napakaraming bato nang marinig mula mismo sa bibig ni Marco ang mga katagang “I don’t like her” nang tanungin ang binata kung may gusto raw ba ito sa kanya. At hindi lang iyon, nilait pa siya ni Marco.
Nasaktan nang sobra si Aimee. Inakala pa naman niyang may “something” na ring nararamdaman ang binata para sa kanya.
Kalaunan ay nagbago si Aimee dahil sa insidenteng iyon. She distanced herself from Marco.
Pero nang magtatapos na sila ng high school at maghihiwa-hiwalay na ng landas ay saka nagtapat si Marco sa kanya.
Maniniwala ba siya?

Price: 45.00