Black Eclipse ang bandang namayagpag noong high school si Ranessa. At hindi niya sukat-akalaing magiging malapit sila ni Francis Van Robles—ang lead guitarist at ang punkistang miyembro ng banda. He was bored. And she made him laugh. Natagpuan na lang nila ang mga sariling nagiging malapit sa isa’t isa.
Akala ni Ranessa ay wala nang hahadlang pa sa magandang samahan nila. Handa siyang maging alalay, katulong, bodyguard, tagaaliw, at sidekick ni Francis. Pero inalok siya nitong maging girlfriend at tuluyan nang bumigay ang kanyang puso. But for some reason, she had a feeling of insecurity about their relationship. Natuklasan niyang mahal pa rin ni Francis ang ex-girlfriend nito. Ginawa lang siyang panakip-butas ng kumag. She was deeply hurt. Nakipaghiwalay siya kay Francis sa pag-aakalang iyon ang makabubuti para sa kanilang dalawa.
Pagkalipas ng ilang taon, hindi inaasahan ni Ranessa na makikita si Francis sa ospital na pinagtatrabahuhan niya. The piercings, chains, and rock star aura were gone. Sa halip ay isang disenteng Francis na nakaputing lab gown at may stethoscope na nakasabit sa leeg ang nakaharap niya. She thought that destiny brought them together again. Nakahanda na siyang sumubok muli. But Francis welcomed her with a blank stare and some big fat news—he did not recognize her and he already had a fiancée. Ouch!