Ang gusto lang naman ni Sandy ay maranasan kung paano maging masaya. Iyong totoong masaya. Pero hindi niya kasalanan kung natagpuan niya ang kasiyahang iyon sa piling ng isang lalaking kailanman ay hindi siya mamahalin sa paraang gusto niya. Umpisa pa lang kasi ay nilinaw na ni Rex na sex lang ang habol nito sa kanya. "Panandalian lang ang lahat ngito. Ibig sabihin, panandalian lang din ang kaligayahan ko sa piling mo. Kapag sawa na tayo sa isa't isa, good-bye na." Sana nga ay ganoon lang kadali ang lahat, na ganoon lang kadaling magpaalam kapag sawa na. Ang kaso ay hindi, lalo na at sa kalagitnaan ng relasyon ay na-in love si Sandy kay Rex. At hindi pa roon nagtatapos ang komplikasyon sa relasyon nilang mahirap unawain. Ayaw sa kanya ng ina ng lalaki. At si Rex... ipinagkasundo na ng mga magulang sa anak ng isang kaibigan. At sa pagbabalik-bansa ng fiancee nitong supermodel, naitakda ang kasal. Ibig sabihin, malapit nang matapos ang hiram niyang sandali sa piling ni Rex. Kakayanin ba niya?