“Hihintayin kita hanggang sa huling sandali ng buhay ko.”

Pagiging writer ang tanging bumubuhay kay Lulu. At ang ipinamanang bahay sa kanya ang madalas niyang lungga kapag walang pumapasok na kahit katiting na pangungusap sa utak niya. Pero isinanla ng walang-kwenta niyang madrasta ang bahay kaya napilitan si Lulu na makipagkasundo ng kasal—kay Augie, ang anak ng kanilang pinagkakautangan—huwag lamang mawala nang tuluyan ang bahay. Pero isang dakilang abalang tao si Augie, kaya ultimo paghahanda sa kanilang kasal, ang driver slash personal alalay nitong si Bam ang sa tuwina ay kasa-kasama ni Lulu.
Sa una pa lang, nag-clash na sina Lulu at Bam. Atribido at nuknukan ng daldal ang tinamaan ng lintik! Kesyo napakaswerte daw ni Lulu at napakamalas naman ni Augie sa magiging setup nila.
Pero unti-unti iyong nagbago dahil sa tuwina ay si Bam ang kasama ni Lulu sa kalungkutan at takot sa nalalapit na pagpapakasal. At sa maayos nang paraan, palagi ring ipinapaalala ng lalaki ang swerteng matatamo niya sa piling ng amo nito. At dahil doon, kahit alam na mali at hindi na pupwede, namalayan na lamang ni Lulu na umaasam siyang sana’y si Bam na lang ang pakakasalan niya.