Desperation can make you do things you don't normally do.

Iyon ang napatunayan ni Faye nang gumawa siya ng isang bagay na kailanman ay hindi niya naisip na gagawin makatakas lang sa problema. Ginamitan niya ng gayuma ang isang dating kaibigan, si William. Gusto kasi siyang ipakasal ng mga magulang sa lalaking hindi niya mahal dahil sa pamahiin ng kanilang pamilya na hindi niya pinaniniwalaan—tatandang dalaga raw ang isang babae na sumapit sa ikadalawampu't limang taong gulang at NBSB pa rin.

Si William ang boyfriend na ipakikilala niya sa mga magulang para mabali ang malasumpang paniniwala. Tumutugma kasi sa kanyang kaibigan ang mga katangian ng lalaking binuo niya sa isip ng mga magulang nang tumanggi siya sa kasunduang kasal.

Umaayon sa piano ang lahat maliban sa makulit niyang puso. Ngiti pa lang ni William, parang may party nang nagaganap sa kanyang dibdib. Pero tama na ang first heartache na naranasan niya rito noon.
Maawa ka, puso. Madala ka naman...