Meet Maria Danna Magtibay, isang romance writer. Dahil nai-inspire siya sa love stories na may happy ending, napagdesisyunan niyang dapat ay ganoon din ang sariling love story. At ang hero? Si Jake, ang boyfriend niya na nagtatrabaho sa Maynila.
Lakas-loob siyang lumuwas para dalawin si Jake at sorpresahin. She was excited to take their relationship to the next level. Pero hindi niya inakalang iyon ang magiging pinakamalungkot na kabanata ng kanyang buhay. She saw Jake making out with another woman.
Kasalukuyang brokenhearted si Danna nang may isang bagong character na pumasok sa kanyang buhay—si Ram Evangelista. He saved her from a major bout of depression. Unti-unti nitong naibalik ang kulay sa dumilim niyang buhay.
Pero mukhang maling lalaki na naman ang minahal ni Danna. Si Ram naman kasi, hindi nga two-timer, masyado namang workaholic. Higit sa lahat, bukod sa wala itong panahon sa kanya ay wala ring pakialam sa pag-ibig.