“Sinunod ko ang dikta ng puso ko. You have to be mine permanently.”

Husef was a part-time professor. Walang mag-aakala na miyembro siya ng isang secret group ng treasure hunters. Isang misyon ang itinalaga sa kanya: Hanapin sa London ang ninakaw na first edition ng libro tungkol sa theory of evolution—ang On the Origin of Species ni Charles Darwin.
Sa paghahanap ni Husef sa libro, natuklasan niyang may dumukot sa kanyang matalik na kaibigan. Ang pagkawala nito ay may kinalaman sa isang nakaraang matagal na niyang gustong kalimutan. Dahil sa nangyari, napilitan si Husef na dukutin si Henrietta, ang anak ng lalaking namumuhi sa kanya at dumukot sa kanyang kaibigan. Si Henrietta ang alas niya para mabawi ang matalik na kaibigan.
But fate intervened. Tuwing mapapadako ang tingin ni Husef sa maamong mukha ng kanyang “bihag” ay nakakaramdam siya ng kakaibang damdaming alam niyang hindi niya dapat maramdaman. Hindi namalayan ng binata na mabibihag din ni Henrietta ang kanyang puso.