“Huwag lang ikalalaki ng ulo mo… pero handa akong iwan ang lahat para sa `yo.”
Isang sikat na modelo si Shane. Pero sa kabila ng kinang ng tagumpay na tinatamasa niya ay nananatili siyang mapagpakumbaba. Isa siya sa mga sumusuporta sa isang bahay-ampunan. Doon ay nakilala niya si Donya Miranda Cuevas—isang philanthropist. At dahil wiling-wili ito sa kanya, inireto siya nito sa apo nitong si Justin. Noong una ay hindi niya gusto ang ugali ng lalaki dahil palagi silang nag-aaway nito.
Pero habang tumatagal na nakakasama niya ito ay lalong nakikilala niya ito, lalo pa nang minsang tulungan siya nito nang maipit siya sa isang sitwasyon.
Nagtapat ng pag-ibig si Justin na tinanggap naman niya. Pero hindi niya inakala na ginawa lang pala nito iyon dahil nais nitong pasayahin ang lola nito… at wala nang iba.