“Alam mo bang hindi ako nakatulog kagabi sa kakaisip sa `yo?”

Clover Cinnamon Perez is a matchmaker. Iyon ang trabaho niya kaya alam niya kung paano kilatisin ang mga lalaki. At nasa malayo pa lang si Alexus Euri Sandoval, naamoy na niyang babaero ito. Kaya nang sabihin nito na manliligaw ito sa kanya sa harap ng maraming tao, inis na inis siya sa lalaki! Naiirita pa siya sa mga pickup lines at pambobola nito.
Akala ni Clover, kapag sinupalpal niya ang lahat ng sinasabi ni Alexus ay mawawalan na ito ng interes sa kanya. Pero doon siya nagkamali, dahil mas naging masugid ito sa pangungulit sa kanya.
Kaya ganoon na lang ang gulat niya nang makita isang araw ang lalaki sa opisina niya at sinalubong siya ng balitang gusto nitong kunin ang kanyang serbisyo.
Gusto ni Alexus na i-matchmake ang sarili kay Clover!