“Our cute couple shirt and your girly skirt.
They match well together. Parang tayo.”

May malalang toothache si Candid. Pero hindi niya `yon nakuha mula sa pagkain ng matatamis. Nagmula `yon sa love potion na nakain ng best friend niyang si Spontaneous kaya na-“in love” ito sa kanya.
Mabuti na lang, may “kondisyon” naman para mawalan ng bisa ang love potion. Kailangan lang mapuno nina Candid at Spontaneous ang “happiness meter” sa pamamagitan ng pag-arte na parang totoong couple. Meaning, kailangan nilang pasayahin at pakiligin ang isa’t isa.
Ang problema lang, hindi sila puwedeng magkahiwalay nang matagal dahil kung hindi, sasakit ang ngipin ni Candid.
Akala ni Candid, madali lang nilang magagawa ni Spontaneous ang “kondisyon” dahil komportable naman sila sa isa’t isa. Pero `yon pala ang magiging pinakamalaking problema.
Sa sobrang komportable kasi niya, parang nagiging totoo na ang feelings niya para kay Spontaneous... na “in love” lang naman sa kanya dahil sa love potion. Mukhang habambuhay na yata siyang magdudusa sa toothache...