Parang masarap na prutas si Rick na kakagatin ng kahit sinong babae at hindi na iisipin pa kahit magkasala…

“I promise to love you forever, Rick. Ikaw lang.” Sa gitna ng malakas na ulan at ng mainit na pagsasanib ng kanilang mga katawan, iyon ang pangakong binitiwan ni Toni kay Rick.
Maraming hadlang sa kanilang pag-iibigan. Bukod sa disisiyete pa lamang si Toni, hinding-hindi papayag si Lolo Augusto na kay Rick siya mapunta na anak ng isa sa kanilang magsasaka. Kaya kahit matindi ang pagmamahal nila sa isa’t isa, nagawa pa rin silang paghiwalayin.
Ipinadala si Toni sa Canada. Pinanghawakan niya ang pangakong si Rick lamang ang lalaking mamahalin. Pero pagbalik niya sa hacienda, ibang Rick ang nadatnan niya. Ang lalaking itinuring na busabos ng kanyang Lolo Augusto noon ay matagumpay na ngayon. At ang masakit, mukhang ito pa ang lumimot sa kanilang sumpaan…