“Ikaw, ha. Natulala ka sa ganda ko, `no? Well, retouch pa lang `yan. Wala pang makeover.”

For the nth time, brokenhearted na naman si Aleena. Hindi pala siya ang gustong kasama ng ultimate crush at prospect na maging boyfriend sa pilgrimage sa Batanes kundi ang bagong girlfriend nito. Mabuti na lang at to the rescue si Jared—isang guwapong former model na nakilala niya. Hindi naman ito sinipot ng dapat na makakasama sa pilgrimage. Naging panakip-butas man, wagi naman si Aleena kay Jared dahil ipinaramdam nito sa kanya na may halaga siya kahit hindi siya kagandahan. Si Jared din ang naging shock absorber niya at ganoon din ito sa kanya dahil nakipaghiwalay kay Jared ang girlfriend nito.
Nagkataon-nagkatagpo ang drama nila dahil namalayan na lang ni Aleena na in love na siya kay Jared. At hindi niya akalain na ganoon din pala ang nararamdaman ni Jared sa kanya. Pero nang bumalik na sila sa Maynila, nagbago ang lahat. Naitsapuwera si Aleena nang umeksena ang ex-girlfriend ni Jared.
Ang saklap! Bigo na naman siya…