“I want you to remember the warmth of my hug when it’s too cold from where you are.”

Tahimik ang buhay ni Liz, hindi magulo at lalong hindi komplikado. Nagbago lang ang lahat dahil sa magkapatid na Pajarillo. Ang pamilya Pajarillo na pinagkakautangan nila ng loob ng kanyang nanay.
Inalok siya ng pag-ibig ni Dennis Pajarillo. Wala naman siyang masasabing masama sa lalaki. Ang problema lang, wala siyang maramdaman para dito. Hinahanap niya ang spark, kilig at magic, pero wala ang mga iyon.
At isang Pajarillo rin ang nagparamdam sa kanya ng mga iyon—si Kent, ang kuya ni Dennis. Pero may girlfriend na si Kent kaya wala silang pag-asa. Pero nanunubok ang tadhana, hindi niya napigilan ang damdamin para kay Kent.
“You and me against the world” na nga ang drama nila, may dumating pang bagong pagsubok sa buhay ni Liz. Isang pagsubok na kailangan niyang harapin nang wala si Kent sa kanyang buhay…