“Hindi sa tinatakot kita, Wynona. Pero masama akong magalit. Nanghahalik ako.” Nataranta siya. Bumilis ang tibok ng kanyang puso. “Ano’ng akala mo sa akin, takot sa halik mo?”

Bago sumapit ang eighteenth birthday ni Wynona, kasama siyang natangay nang kidnapin ang inaalagaan niyang bata.
Nadamay siya sa gusot na kinasasangkutan ni Trence Villena, ang ama ng kanyang alaga, na sinalo yata ang lahat ng sex appeal na ibinuhos ng Diyos sa mundo.
Wala sa hinagap ni Wynona na mapapasok siya sa ganoong sitwasyon. Lalong hindi niya pinangarap na mag-celebrate ng eighteenth birthday sa isang remote island na kasama ang isang dangerous man na gaya ni Trence. Dangerous indeed, mahirap kasing tanggihan ang karisma ng lalaki.
Pero sa araw ng kanyang debut, isang surprise gift ang ibinigay ni Trence.